Hugmyndasamkeppni um varmaorku á Suðurlandi

08. febrúar 2018

Varmaorka _hugmsamkeppni

Samtök sunnlenskra sveitarfélaga (SASS), Nýsköpunarmiðstöð Íslands (NMÍ) og Orka náttúrunnar (ON) hafa gert með sér samkomulag um að efna til hugmyndasamkeppni um nýtingu varmaorku á Suðurlandi á þessu ári. 

Tilgangur samkeppninnar er að fá fram hugmyndir um nýtingu varmaorku sem víða finnst í formi jarðhita á Suðurlandi og býður upp á fleiri tækifæri en nýtt eru í dag. Markmiðið er að nýta betur verðmætin sem eru í orkunni, auka fjölbreytni í atvinnulífi með umhverfismál að leiðarljósi og vinna að nýsköpun í orkutengdri starfsemi. 

Dómnefnd skipa eftirtaldir aðilar: 

Gunnar Þorgeirsson, formaður SASS

Sigurður Þór Sigurðsson, formaður Atorku

Berglind Rán Ólafsdóttir, forstöðumaður fyrirtækjamarkaða ON

Sigríður Ingvarsdóttir, framkvæmdastjóri NMÍ

Albert Albertsson, stjórnarformaður Íslenska jarðvarmaklasans

 

Haraldur Hjaltason, ráðgjafi hjá Artemis, hefur verið ráðinn sem verkefnisstjóri og mun hann starfa með dómnefndinni. Samkeppnin sjálf verður auglýst þegar nær dregur.

 

- - - - -  - - - - - - -  - - -  - - - -  -

Nánari upplýsingar veita:

Bjarni Guðmundsson, framkvæmdastjóri SASS bjarni@sudurland.is

Sigríður Ingvarsdóttir, framkvæmdastjóri Nýsköpunarmiðstöðvar Íslands, si@nmi.is

- - - - - - - - - -

Myndin er tekin við undirritun samstarfssamningsins um keppnina.

Á myndinni eru f.v. Próf. Þorsteinn I. Sigfússon, forstjóri Nýsköpunarmiðstöðvar Íslands og Sigríður Ingvarsdóttir, framkvæmdastjóri, Berglind Rán Ólafsdóttir, Orku náttúrunnar og Bjarni Guðmundsson, framkvæmdastjóri Samtaka sunnlenskra sveitarfélaga.