Stofnun og rekstur fyrirtækja

Stofnun -og -rekstur 1200x 628

Námskeiðslýsing  

Námskeiðið snýst um þau grundvallaratriði sem varða stofnun og rekstur fyrirtækis. Fjallað er um sölu- og markaðsmál, fjárhagsáætlanir, form fyrirtækja og skattamál ásamt því að farið er yfir mismunandi gerðir viðskiptaáætlana. Út í gegnum námskeiðið vinna þátttakendur með sína viðskiptahugmynd hvort sem hún er komin til framkvæmda eða er á hugmyndastigi. Að námskeiði loknu er hægt að fá frekari aðstoð ef þörf.

Allir þátttakendur á námskeiðinu skrifa undir trúnaðaryfirlýsingu þess efnis að þeir muni ekki gera hugmyndir annarra að sínum eða á annan hátt hagnast á sértækum upplýsingum annarra þátttakenda sem sitja námskeiðið.

Í lokaáfanga námskeiðsins ættu þátttakendur að geta gert sér enn betur grein fyrir því hvort viðskiptahugmyndin sé raunhæf og líkleg til að skila árangri.

Hverjum er námskeiðið ætlað?

Stofnun og rekstur smáfyrirtækja er ætlað þeim sem búa yfir viðskiptahugmynd og hafa hug á að stofna fyrirtæki í kringum hana. Námskeiðið er einnig ætlað þeim sem hafa nýlega stofnað fyrirtæki eða vilja auka rekstrarþekkingu sína. Námskeiðið er haldið í Reykjavík.

Markmið

Að námskeiðinu loknu eiga þátttakendur að geta unnið að eigin viðskiptaáætlun, gert sér grein fyrir hvort ráðlegt sé að stofna fyrirtæki um viðskiptahugmyndina og hvernig á að bera sig að við það. Þeir eiga einnig að hafa:

  • Þekkingu á grundvallaratriðum við stofnun fyrirtækis
  • Þekkingu á þáttum sem lúta að fyrirtækjarekstri s.s. markaðsmálum, fjármálum og stjórnun
  • Þekkingu til að vinna eigin viðskiptaáætlun

Dagskrá, efnisþættir og verð

Námskeiðið er samtals 35 kennslustundir og eru helstu efnisþættir eftirfarandi:

1. dagur: Laugardagur 10. febrúar frá kl 12:00 til 16:00 

  • Stofnandinn
  • Mikilvægi viðskiptaáætlunar
  • Viðskiptaáætlunargerð – stefnumótun og Canvas

2. dagur: Mánudagur 12. febrúar kl. 17:00 til 21:00

  • Stofnun fyrirtækja
  • Kostnaðargreining og núllpunktur
  • Stofnkostnaður og fjármögnun

3. dagur: Þriðjudagur 13. febrúar kl. 17:00 til 21:00

  • Fjárhagsáætlanagerð
  • Fjármögnun, laun og skattar

4. dagur: Miðvikudagur 14. febrúar kl. 17:00 til 21:00

  • Markaðsgreiningar og samkeppnisgreiningar
  • Markaðsáætlanir

5. dagur: Fimmtudagur 15. febrúar kl. 17:00 til 21:00

  • Tímastjórnun og Trello
  • Markmiðasetning - framkvæmdaáætlanir
  • Fjárfestakynningar

6. dagur: laugardagur 17. febrúar kl. 12:00 til 16:00

  • Stafræn markaðssetning
  • Efnisframleiðsla
  • Leitarvéla bestun
  • Mikilvægi vefsíðu
  • Umræða um helstu samfélagsmiðla

Þátttökugjald er 62.000 kr.  

Skráning og frekari upplýsingar

Helstu efnisþættir og röðun þeirra geta breyst með stuttum fyrirvara. Hafið samband við Kristján Óskarsson ef nánari upplýsinga er þörf í síma 522 9287 eða á netfangið kro@nmi.is.