TINC tæknihraðall í Silicon Valley

TINC er tæknisproti í öflugu hraðalsverkefni í Silicon Valley sem stendur yfir í fjórar vikur

Þetta er einstakt tækifæri til að sannreyna viðskiptamódelið og möguleika vörunnar á alþjóðlegum markaði, með minni áhættu, á styttri tíma og með minni tilkostnaði. 

Fyrirtækin sem verða valin þurfa að standa undir kostnaði við ferðir og uppihald tveggja starfsmanna í fjórar vikur í Bandaríkjunum, en fá jafnframt myndarlegan styrk. Styrkurinn stendur undir sjálfu námskeiðsgjaldinu, sem er umtalsvert fyrir hvern þátttakanda. 

Nánari upplýsingar á ensku um þennan einstaka hraðal:

http://www.nordicinnovationhouse.com/tinc

TINC02

Markmið hraðalsins er að veita tæknisprotum aðgang að þekkingu og reynslu sem gerir þeim kleift að vaxa hraðar og með minni áhættu. 

Verkefnið er aðgengilegt íslenskum, norskum, finnskum og sænskum fyrirtækjum sem hafa þróað tæknilausn sem komin er inn á norrænan markaði og eru tilbúin fyrir stærri skref í gegnum TINC.

TINC er verkefni Innovation Norway upphaflega þróað í samstarfi við norsk tæknifyrirtæki, fjárfesta og tengslanet sérfræðinga í Silicon Valley.

Hraðallinn - hvað er í boði?

  • Aðgengi að samfélagi fyrirtækja og tengslaneti Nordic Innovation House í Silicon Valley 
  • Aðgengi að væntanlegum viðskiptavinum, hluthöfum og fjárfestum 
  • Tækifæri til að staðreyna tækni og viðskiptahugmynd á kröfuhörðum alþjóðlegum samkeppnismarkaði 
  • Aðgengi að mentorum úr smiðju Innovation Norge, Vinnova og Team Finland og tengslaneti þessara aðila í Silicon Valley 
  • Þjálfun og þekkingarmiðlun
  • Tækifæri til að byggja upp tengslanet
  • Skipulagðir fundir, ráðstefnur og viðburðir

Erum við að leita að þér og þínu fyrirtæki?

Heppilegur umsækjandi þarf að uppfylla ákveðin skilyrði

  • Tæknisproti sem vinnur að heppilegri lausn á raunverulegu vandamáli
  • Miklir vaxtamöguleikar: Leitað er að lausn sem hefur mikil og stór markaðstækifæri 
  • Frumkvöðlagen: Ákefð, tilbúin að læra meira, getið sýnt auðmýkt, en fær um að hrinda hlutum í framkvæmd
  • Stjórnendur eða stofnendur: Lagt er til að tveir starfsmenn komi frá hverju fyrirtæki 
  • Lausnin ykkar er á uppleið og hefur þegar náð markaðstengingu 
  • Vara sem unnið er með: Að minnsta kosti demo eða frumgerð vöru
  • Sterk ástæðu til að vera með: Sterk löngun til að einhenda sér í Silicon Valley til að læra og tengjast samstarfsaðilum, viðskiptavinum og fjárfestum. Löngun til að byggja upp varanleg og sterk sambönd og/eða finna sér góðan lendingarstað í Bandaríkjunum 
  • Tími: Hefur tíma til að senda tvo starfsmenn í þetta verkefni í fjórar vikur 
  • Fjármál: Fyrirtækið stendur vel fjárhagslega og er í góðri stöðu til að fylgja vörunni eða hugmyndinni eftir að loknu námskeiðinu 
  • Varan eða þjónustan hefur algera sérstöðu á markaði 

Umsókn um TINC má nálgast hér

Umsóknafrestur er til 15. janúar 2018

Dagsetningar fyrir hraðallinn:

"kick-off" í Osló:  20. og 21. mars

4 vikur TINC í Silicon Valley: 16. apríl - 10. maí.

Ef þú hefur einhverjar spurningar um TINC og þjónustu Nýsköpunarmiðstöðvar Íslands getur þú haft samband við eftirtalda aðila:

Hildur Sif Arnardottir

Hildur Sif Arnardóttir

Upplýsingafulltrúi Impru 

522 9267

hildur@nmi.is

 
Berglind Hallgrimsdottir

Berglind Hallgrímsdóttir

Framkvæmdastjóri

522 9263

berglindh@nmi.is

 

 

 

Sex íslensk fyrirtæki hafa farið til Silicon Valley í gegnum TINC hraðalinn frá 2016 þegar Ísland tók fyrst þátt. Þetta höfðu nokkrir að segja sem hafa tekið þátt í TINC: 

Vala og Stefanía hjá Visku: “Við vorum með efasemdir fyrst um hvort við ættum að fara í prógrammið. Töldum að það gæti verið of almennt og ekki henta okkur. Við sáum svo sannarlega ekki eftir að hafa slegið til. Prógrammið gefur mjög góða innsýn í stöðuna á markaðnum á hverjum tíma. Þú færð aðgang að vinnusmiðjum með reynslumiklu fólki sem gefur góð ráð og mentorum sem kryfja með þér vandamálin sem þú ert að kljást við. Svo kom það á óvart hversu mikils virði það var að verja 4 vikum með stofnendum sem margir hverjir eru að kljást við mikið af því sama og þú”.

Einar hjá Fonus Juris: ,,Ég var mjög ánægður með þátttöku okkar hjá Fons Juris í TINC verkefninu. Það var frábært að fá tækifæri til að vinna að fyrirtækinu okkar í því frábæra umhverfi sem Nordic Innovation House í Sílikon dalnum hefur skapað. Við fengum ómetanleg ráð og tengingar við fólk sem mun gagnast okkur í framtíðinni. Myndi heilshugar mæla með því að taka þátt".

Trausti Harðarson hjá Huxun: ,,Að taka þátt í viðskiptahraðli TINC í Silicon Valley er eins og að vera komin í viðskiptahraðal á sterum, sérfræðingar sérfræðinganna í skölun og sókn á alþjóðlegan markað, ögra þér og þinni vöru stöðugt í 30 daga, þú einfaldlega verður að hlaupa hraðar. Þetta er auðvitað einstakt tækifæri til að læra af þeim færustu. Þetta er í raun hraðkennsla í því hvernig á að sækja með hugbúnaðarlausnir á bandarískan og alþjóðlegan markað".

Davíð Örn Símonarson hjá frumkvöðlafyrirtækinu Watchbox: „Við bindum miklar vonir við að TINC hraðallinn auki tengslanetið okkar til muna í Silicon Valley. Þetta verður í þriðja sinn sem við förum þangað út í tvo eða fleiri mánuði og vitum við því hvað tengslanetið þar skiptir rosalega miklu máli. Á sama tíma mun hraðallinn auðvelda okkar leið að nýjum kúnnum sem og að koma á fundum með bandarískum fjárfestingarsjóðum".