Viltu verða orkubóndi og framleiða þína eigin orku? Allir geta orðið orkubændur!

Orkubóndinn er námskeið fyrir áhugafólk um virkjun orku, einstaklinga, fyrirtæki, landeigendur, bændur og alla sem hafa áhuga á að beisla orkuna heima fyrir. Á námskeiðinu verður fjallað á aðgengilegan hátt um leiðir til að virkja læki eða ár, jarðhita, vindorku, sólarorku eða jafnvel fjóshauginn.

Leiðbeinendur á námskeiðinu eru sérfræðingar frá Nýsköpunarmiðstöð, Orkustofnun, verkfræðistofum víða af landinu og heimamenn.  Í kjölfar námskeiðsins fá þeir þátttakendur sem þess óska aðstoð við að hrinda virkjunarhugmyndum í framkvæmd.

Námskeiðsgjald er 3.000 krónur.  Innifalið  í námskeiðsgjaldi eru léttar veitingar í hádegi og kaffi.

Orkubóndinner samstarfsverkefni Nýsköpunarmiðstöðvar Íslands, Mannvits, Orkustofnunar, ÍSOR, Iðnaðarráðuneytisins, Verkís, atvinnuþróunarfélaga og sveitarfélaga víða um land.

Orkubóndinn á Sauðárkróki verður haldinn í Fjölbrautarskóla Norðurlands vestra.

Orkubóndinn í Reykjavík verður haldinn í Bændahöllinni, Harvard-sal, á Hótel Sögu.

Dagskrá Orkubóndans 23.  febrúar  á  Sauðárkróki

10:00 Skráning
10:15 Skipulag námskeiðsins
10:20 Endurnýjanlegar orkulindir og aðgengi þeirra á Ísland. Þorsteinn Ingi Sigfússon, forstjóri Nýsköpunarmiðstöðvar Íslands
11:00 Orkulindir sem eru lengra undan í tíma. Ingólfur Þorbjörnsson, framkvæmdastjóri efnis-, líf- og orkudeildar Nýsköpunarmiðstöð  Íslands

12:30 Hádegisverður
13:00  Virkjun vatnsafls Árni Sigurðsson verkfræðistofu Norðurlands, Einar Júlíusson Mannvit og  Jón Snæbjörnsson Verkís
14:00  Jarðvarmi Ragnar Ásmundsson Ísor
14:50 Gerð eigin eldsneytis. Ingólfur Þorbjörnsson, framkvæmdarstjóri efnis-, líf-  og orkudeildar Nýsköpunarmiðstöðvar Íslands
15:30  Varmadælur. Reglugerðir og umhverfismál. Sigurður Ingi Friðleifsson Orkustofnun

 16.30 Áhugasviðum og viðfangsefnum fundarmanna safnað saman. Undirbúningsvinna fyrir seinni dag byggð á verkefnishugmyndum sem fyrir liggja.
16:45  Lok fyrri dags

Dagskrá Orkubóndans 24. febrúar - Sauðárkróki
10:00  Skipulagning                                                                  
10:30  Þátttakendur skipta sér í hópa eftir áhugasviðum og viðfangsefnum undir leiðsögn leiðbeinanda

12:30 Hádegisverður

13:00  Samantekt vinnuhópa - staða hugsanlegra verkefna og umræður um framhald þeirra undir leiðsögn Þorsteins Inga Sigfússonar.  
13.35 Slit Viðurkenningarskjöl afhent

13.55 Þátttakendum á Orkubóndanum er boðið að vera viðstaddir undirritun samning um opnun Fab Lab smiðju  í Skagafirði að samningnum standa Hátæknisetur Íslands ses, Fjölbrautaskóli Norðurlands vestra, Sveitarfélagið Skagafjörður og Nýsköpunarmiðstöð Íslands

14:15  Þátttakendur sameinast í bíla og farið í heimsókn að skoða aðaldælustöð Skagafjarðarveitna ehf. við Borgamýri á Sauðárkróki,  þar verður kynnt starfsemi hitaveitunnar í Skagafirði og boðið upp á  veitingar.

Nánari upplýsingar gefa:  K. Brynja Sigurðardóttir,  Brynjasig@nmi.is  eða í síma  522 9000