Prófanir og þjónusturannsóknir

Á steinsteypudeild Nýsköpunarmiðstöðvar Íslands starfar fjöldi sérfræðinga á sviði steinsteypu og sementsbundinna efna, sem margir hverjir hafa áratuga reynslu á rannsóknum, prófunum, blöndun, vottun og eftirliti á þessu sviði. Deildin er vel búin tækjum og er aðstaða til prófana góð. Unnt er að framkvæma allar almennar prófanir á steypu, múr og sementsbundnum efnum, og framkvæma fjölmargar prófanir sem krefjast sérhæfðs tækjakosts.

Af almennum prófunum má t.d. nefna gæðamat steypuefna og ákvörðun blöndunarhlutfalla, prófanir á veðrunarþoli en þar er unnt að velja á milli nokkurra mismunandi aðferða, styrkleikamælingar af ýmsu tagi, mælingar á innri gerð harðnaðrar steypu þar með talið loftkerfi sem er megin áhrifavaldur á veðrunarþol o.s.frv. Af sérhæfðari prófunum má nefna: alkalíprófanir, sementsprófanir, þunnsneiðamælingar og ekki síst mælingar á flæðieiginleikum (það er m.a. mælingar á flotskersspennu og seigju eiginleikum) ferskrar steypu. Á því sviði starfar einn helsti vísindamaður heims, Próf. Ólafur H. Wallevik, hjá Nýsköpunarmiðstöð Íslands en hann hefur m.a. þróað ýmsa seigjumæla fyrir bæði steypu-, múr- og sementsblöndur, sem eru bestu mælitæki sinnar tegundar í heiminum í dag. Á grundvelli færni á þessu sviði hefur stofnunin fengið fjölmörg erlend verkefni frá framleiðendum íblöndunarefna, en þróun í steyputækni byggist núorðið mjög á þróun nýrra tegunda íblöndunarefna.

Hér má sjá samantekt á þeim helstu og algengustu prófunum sem deildin tekur að sér:

Fersk steinsteypa og sementsbundin efni 

  • Sýnataka
  • Mælingar á flotfræðilegum eiginleikum
  • Mælingar á flotfræðilegum eiginleikum við breytilegar umhverfisaðstæður
  • Loftinnihaldsmælingar
  • Varmamyndunarmælingar og mælingar á hitamyndunarferlum vötnunarefnahvarfa
  • Rúmþyngdar- og eðlisþyngdarmælingar
  • Sigmál
  • Bindistímamælingar
  • Mælingar á mettivatni
  • Sementsprófanir
  • Mölunarfínleiki - Blaine
  • Mælingar á blæði og lekt
  • Mælingar á myndheldni
  • Storknun
  • Mælingar á loftkerfi ferskrar hrásteypu

Hörðnuð steinsteypa og sementsbundin efni 

  • Styrktarmælingar steyptra sívalninga og teninga
  • Mælingar á alkalívirkni
  • Mælingar á loftinnihaldi og loftsdreifingu
  • Rýrnunarmælingar
  • Skriðmælingar
  • Mælingar á klórleiðni
  • Mælingar á klóríðinnihaldi
  • Mælingar á vatnsdrægni
  • Rakamælingar
  • Mælingar á rúmþyngd
  • Skerkraftamælingar
  • Mælingar á varmaþenslustuðli
  • Frostþolspróf
  • Þunnsneiðamælingar
  • Kleyfniprófanir
  • Mælingar á sprautusteypu og sandsteypu
  • Mælingar á hellum
  • Mælingar á veðrun og veðrunarþoli
  • Ástandsskoðun og skemmdargreining
  • Þykkt steypuhulu
  • Mælingar á hörku með Schmidt hamri
  • Borkjarnar, þrýstiþol
  • Brotþol og lekaprófun röra
  • Loftmælingar
  • Lofttalning í smásjá
  • Mettivatn, holrýmd og rúmþyngd
  • Mælingar á staðsetningu bendistáls
  • Prófanir á vatnsupptöku í steypu
  • Prófsteypur, Hönnun og undirbúningur
  • Skoðun steypuskemmda, ráðgjöf á staðnum
  • Vatnsfælur, vatnsþrýstiþol
  • Vatnsþéttipróf           
  • Rakamælingar
  • Þunnsneið af steypu
  • Slitþolsprófanir