Betri orkubúskapur og lýsing gróðurhúsa
EnglishVerkefnið miðast að því að bæta orkunýtingu í gróðurhúsaræktun á Íslandi og kortleggja hagkvæmni innanhússræktunar almennt, með tilliti til tækninýjunga í gróðurhúsalýsingu, breyttrar hönnunar gróðurhúsa og innleiðingu nýrra aðferða í orkuvinnslu og varmaflutningi. Markmiðið er að bæta skilyrði til grænmetisframleiðslu á Íslandi, en niðurstöður verk-efnisins munu einnig hafa þýðingu fyrir tengdar greinar, svo sem ræktun blóma, berja, trjáa og runna.
Verkefnið mun styðja við sjálfbæra matvælaframleiðslu, aukið matvælaöryggi, lækkun kol-efnisspors í gróðurhúsaræktun, ábyrgari auðlindanýtingu og framleiðslu hollari matvæla. Nýjar hönnunarforsendur gróðurhúsa munu byggja á tölvulíkunum og þær forsendur verða lagðar til grundvallar útreikningum á hagkvæmni og fjárfestingarþörf í greininni. Verkefnið mun einnig kanna hagkvæmni innanhússræktunar í þéttbýli, m.a. á lækningajurtum, og samþættingu innanhússræktunar og borgararkitektúrs.
Timalengd verkefnis: 2018- 2021
Hluti í verkefninu
- Verkefnistjórn
- Varmafræðileg hermun á gróðurhúsum
- Geislun og geislunareinangrun
- Hugmyndavinna um hönnun umhverfisvænna gróðurhúsa fyrir norðlægar slóðir
- Hámörkun lýsingar og raforkusparnaðar
- Kæling og rafmagnsframleiðsla með jarðhita
- Öflun og nýting umhverfisvæns og ódýrs koltvísýrings fyrir ræktun
Samstarfsaðilar
- Landbúnaðarháskóli Íslands
- Association for Vertical Farming (alþjóðleg inniræktunarsamtök)
- Hárækt / Vaxa
- Studio Granda arkitektastofa
Þakkir
Verkefnið er styrkt af Tækniþróunarsjóði.
